ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

ស្ត្រីទី១កម្ពុជាកោតសរសើរពីការរៀបចំពិព័ណ៌អាពាហ៍ពិពាហ៍ដ៏ធំលើកដំបូងនៅកម្ពុជា

  • ចុះផ្សាយថ្ងៃទី២០ ខែកញ្ញា ឆ្នាំ២០២៤ ម៉ោង ១៤:៤៣ នាទី ដោយ EAC News
  • 2121
  Aa |   aA

ភ្នំពេញ៖ ពិព័ណ៌អាពាហ៍ពិពាហ៍ដ៏ធំលើកដំបូងនៅកម្ពុជាចាប់ផ្ដើមនៅថ្ងៃទី២០ ខែកញ្ញា ឆ្នាំ២០២៤នេះ នៅមជ្ឈមណ្ឌលដឹព្រេមៀ សេនធ័រ សែនសុខ ដោយមានការចូលរួមដោយខ្ពងខ្ពស់ពីស្ត្រីទី១កម្ពុជា លោកស្រី ពេជ ចន្ទមុន្នី ហ៊ុនម៉ាណែត។ 

ថ្លែងក្នុងពិធីបើកពិព័ណ៌នៅព្រឹកនេះលោកស្រី ពេជ ចន្ទមុន្នី បានលើកឡើងថា អាពាហ៍ពិពាហ៍គឺជាកាតព្វកិច្ចគ្រួសារមួយដ៏សំខាន់ និងពិសេសមួយក្នុងជីវិតមនុស្សម្នាក់ៗ។ លោកស្រីយល់ថាការរៀបចំពិព័ណ៌នេះមានសារៈសំខាន់ និងបានថ្លែងកោតសរសើរពីគំនិតនៃការរៀបចំដែលបានផ្ដល់នូវភាពងាយស្រួលដល់កូនកម្លោះ-កូនក្រមុំ និងក្រុមគ្រួសារអាចមកសិក្សា ពិភាក្សាជាមួយអាជីវករ និងក្រុមហ៊ុនដែលបម្រើសេវាកម្មផ្នែកពិធីអាពាហ៍ពិពាហ៍។ 

ជាមួយគ្នានឹងការរម្លឹកកាលពេលលោកស្រីរៀបអាពាហ៍ពិពាហ៍ជាមួយសម្ដេចធិបតីកាលពីឆ្នាំ២០០៦ផងដែរ ដោយថាពេលនោះមិនសូវសម្បូរបែបដូចបច្ចុប្បន្ននេះនោះទេ។ 

លោកស្រី ពេជ ចន្ទមុន្នី ក៏បានចាប់អារម្មណ៍ពីគោលគំនិតនៃការចូលរួមអភិរក្ស និងអភិវឌ្ឍន៍សិល្បៈវប្បធម៌ប្រពៃណីខ្មែរក្នុងពិព័ណ៌នេះផងដែរ។ 

លោកស្រីថា៖ «ប្រទេសយើងសំណាងដែលដូនតាបានបន្សល់ទុកនូវប្បធម៌ប្រពៃណីដល់កូនចៅជំនាន់ក្រោយដែលជាមោទនភាពមួយសម្រាប់ពលរដ្ឋយើង»។

អគ្គនាយក ដឹ ព្រេមៀ សេនធ័រសែនសុខ អ្នកឧកញ៉ា សេង ញ៉ក់ បានលើកឡើងថា ពិព័ណ៌អាពាហ៍ពិពាហ៍ជាលើកដំបូងនឹងធំជាងគេនេះបានប្រមូលផ្ដុំ ក្រុមហ៊ុន និងអាជីវកម្មផ្ដល់សេវាពិធីមង្គលដែលមានស្ដង់ដារ និងទទួលស្គាល់ទាំងអស់»ចូលរួមផ្សព្វផ្សាយផលិតផល និងសេវាកម្មរបស់ខ្លួន ដែលនឹងផ្ដល់ភាពងាយស្រួលដល់កូនកម្លោះកូនក្រមុំ។ 

ពិព័ណ៌នេះក៏បង្ហាញពីភាពរីកចម្រើនលូតលាស់ផ្នែកផ្ដល់សេវាកម្មអាពាហ៍ពិពាហ៍របស់ប្រជាពលរដ្ឋខ្មែរដែលមានដូចជា អាចារ្យ អាគារការ ចុងភៅ សំអាងការ តន្ត្រីបុរាណនិងសម័យ គ្រឿងអលង្ការ ដេគ័រតុបតែង ភេសជ្ជៈ និងសេវាកម្មពិធីការជាច្រើនទៀត។ 

ក្នុងសាលដ៏ធំនៃព្រីមៀ សេនធ័រ សែនសុខ មានស្ដង់ជាច្រើនដែលម្ចាស់ក្រុមហ៊ុន និងអាជីវកម្មផ្ដល់សេវារៀបចំអាពាហ៍ពិពាហ៍បានរៀបចំតាំងបង្ហាញរាប់ចាប់ពីសំអាងការ អ្នកផ្ដត់ផ្គង់ព្រំ ភេសជ្ជៈ ចុងភៅ សំលៀកបំពាក់ និងក្រុមហ៊ុនថតរូប វីដេអូ ជាដើម។ 

គួរឱ្យដឹងដែរថាពិព័ណ៌អាពាហ៍ពិពាហ៍នេះនឹងរៀបចំចាប់ពីថ្ងៃទី២០ ដល់ថ្ងៃទី២២ ខែកញ្ញា នៅមជ្ឈមណ្ឌលដឹព្រេមៀ សេនធ័រ សែនសុខ ជិតផ្សារទំនើប AEON 2 ដោយបើកឱ្យចូលទស្សនាដោយសេរី ព្រមជាមួយនឹងការប្រគុំតន្ត្រីដែលចូលរួមពីតារាល្បីជាច្រើននៅកម្ពុជាដូចជាលោក ខេមរៈ សេរីមន្ត លោកស្រី មាស សុខសោភា លោក ដួង វីរៈសិទ្ធ លោក ម៉ម ពេជរិទ្ធ លោក លឹម តិចម៉េង និងតារាមួយចំនួនទៀតព្រមទាំងមានទីតាំងលេងកម្សាន្តសម្រាប់ក្មេងលេងកម្សាន្តផងដែរ៕ 


ព័ត៌មានជាច្រើនទៀតសម្រាប់អ្នក